Nu Skin ~ 暗瘡+美白

暗瘡粉刺護理啫喱 ~ 最少用過6,7支,如果暗瘡唔係好嚴重,就可以用呢支,透明gel,唔笠身,搽完唔好搞佢,由佢乾,最好洗完面先搽!一日搽2~3次,暗瘡就好快謝,不過又係一樣,用晒一支後,轉其他再用,咁樣就好d

Clear Action set (分別有四件)續樣講:(我最早一篇文都有提過呢set野)

呢set對我黎講,係恩物.16,17歲時我皮膚好易就出暗瘡,出完又有印,點美白都冇乜用,之後聽表姐介紹我用呢set,佢話佢個仔滿面暗瘡都係用呢set,用左後好晒,咁犀利
未試過我邊會亂買,就去左美容院試左兩次facial,效果幾好,就買左set,唔算貴~當年買一set500幾600百蚊左右(有4件).e+買只係貴左少少,都值得一試!

用左兩set後,我d暗瘡真係快謝好多,同埋之後都少出左好多...d印可以話係謝絕,呵呵,我到e+都仲有用緊,只係暗瘡谷果時先用

(咁多年都仲有回購佢,由其支洗面同toner)

淨膚潔面慕絲~

吱出黎係白色泡泡,之後搽上面後,唔好搞佢,由d泡泡係面上停留一陣,點解唔好搞,原因係等d泡泡幫面部淨化+消炎下先,約30秒~1分鐘左右先加水係面上打圈,之後洗淨就得啦,佢有少少香味,一d都唔乾,皮膚好乾淨家~

呢支對我黎講,係非常有用.買一set返黎用,快用晒係呢支同toner.其他兩支cream較慢.

淨膚爽膚水~

用完泡泡洗面,再用佢拍面,由其暗瘡位,唔洗怕太多...平時既份量就夠啦

淨膚日霜 ~

呢支係day cream,唔算好笠,但唔好搽太多,用完晒以上兩支野,早上就用佢黎搽面,用佢唔洗再搽暗瘡膏,搽晒全面,佢可以淡化暗瘡印,有美白功效,要耐心用先有效果,千其唔好話出暗瘡時先用,係唔work

淨膚晚霜~
夜用cream,唔洗用太多份量,又係點4~5點係面上搽混就ok,太多就出事!

(以上四件完全係唔會敏感)

我e+只keep住用佢支洗面+toner,日夜cream冇再買,點解唔買,唔係佢唔work,只係我花心想轉下其他野.

皮膚唔係常出暗瘡,就唔洗日日用佢,係谷緊+出緊暗瘡時先用就ok.

如果暗瘡成面都係,建議最少一日用一次,亦要早訓,食d清淡野,唔係話用左就一定冇事,要自己配合!因出暗瘡唔一定係皮膚問題,有時係身體內問題

講下美白先,呢個牌子,真係俾佢激屎,舊版美白真係冇得頂,早幾年佢一轉新版,一試我就已經想&**^%*%&$佢咁制,好彩有得換貨,唔係屎俾佢睇!!!

瀅白三效晶潤面膜~

呢隻係美白mask,精華唔多唔少,囉片mask出黎,唔會d精華多到滴水...fu完有美白效果,唔敏感...可以keep到2,3日,都算ok,不過折晒一盒都唔平...何妨每年都加價...呵呵,我都冇用啦,轉左用valmont美白cream mask/dr.wu 美白mask.