REN ~ 四支Mask

尋日blog友+老友記都問我邊4支,就係呢d啦,剛好儲晒成套我認我係mask狂

F10 Enzymatic Smooth Radiance Facial Mask -

  呢隻牌子我近半年既最愛,點解?當然有佢吸引我既原因又係uk出既,主打有機天然

試用呢支已經一排,天氣轉緊,係時候介紹俾大家.呵呵~

吱出黎係好香果味,我聞到係橙味,好好聞非常喜歡既味道質地較杰,似果汁入面既軟心(橙棕色),係面上推開後感覺面上係gel住塊面,因佢比一般mask質地杰,有d似搽balm咁上下.對乾性皮膚黎講,佢唔算笠,保濕度+舒緩都發揮到,fu大約十分鐘就可以過水,過水時聞到陣陣果味(好似羅拔臣jelly味,哈哈~我個人勁喜歡呢支mask,所以大量入貨)

如果有甩皮+敏感,呢支mask大派用場,值得一試!(個人推介)

Phyto-Dynamic Instant Lifting Gel -

係一分鐘mask黎我貪得意買.

已經試玩左個幾兩個月,吱出黎係gel狀,類似飲得既gel果凍質地,係面上推開有輕微涼涼地(要好留意先feel到),一d都唔笠,有清香果味,唔笠又爽,fu面一分鐘後,加水拍走多餘物,再拍乾就ok.當然可直接過水,隨自己喜歡,我覺得好方便,又唔敏感,春夏天用最岩,用完又唔怕乾淨淨,有dd亮白~(可日日用都冇問題,我自己就一星期用2次左右)

當佢係一支洗面gel會好d,如果當mask~乾性皮膚用完就有少乾.所以夏天用係最好不過我唔會再回購.因我都係喜歡cream質地多d

(混合性/油性皮膚最岩用)

(2010-9)

就咁用對我敏感乾性皮膚黎講,有排先用完,唔想開左放太耐時間,所以要想個辦法消滅佢,就試下用佢配mia,點知用完好乾淨,又唔怕太乾,用法就係先將gel係面上推開,之後fu一分鐘左右,再用加濕了既mia在面上清洗,之後再加水洗拍走多餘既gel,咁就ok

(乾性/敏感性皮膚夏天必選,混合/油性肌四季用都冇問題)

Multi-Mineral Pore Minimising Detox Mask (排毒唔錯)

唔知係唔係空氣差左,e+用deep mask好快就用完.我又唔會用屎一款,用完一款就轉另一款

類似clay mask,白色膏狀質地,係面上推開時feel到係水潤+質地幼細,唔難推開,好似平時fu mask咁,但我就係T字位及U字位fu得厚d.我冇用任何野打底,直接fu上面,一d乾及敏感都冇,吸收算快,有少少薰衣草+其他植物味,唔會刺激皮膚,約fu到8成乾,我自己用法係就將指尖濕一濕水,係面部摔果時,順便係面上溫柔地打圈,之後就過水(如果唔濕一濕指尖,係面上摔時,會又乾又易害皮膚),用完後照下鏡,好乾淨dirty野全部消失晒,毛孔都冇變大到,平平地幾抵玩排毒快,我喜歡~

fu完呢款mask記得fu番個保濕mask,其實當用完磨砂/去角質/deep clean mask後,最好用番d靚成份既mask fu面,咁樣最好,盡量唔好選用paper mask,如果本身日日都用eve lom~Cleanser黎清潔面部,就可以搽精華黎代替日日fu mask隔日或一星期fu 2~3次mask就ok~

我終於可以搵到呢支代替BENEV Hydrating Mask Treatment(呢支又係好用,不過e+好難買到),以後唔洗煩,用呢支就夠,當然亦可代替Eve Lom ~ Rescue Mask啦~所以我一定再回購!

Glycolactic Skin Renewal Peel Mask -

點解要試呢支,原因係我用左兩支ELEMIS~Papaya Enzyme Peel後,覺得係時候轉新野,如果唔係再用都冇效果,一直都心思思想試REN(圖上果支)

原來敏感皮膚係可以用,要注意既係先搽薄薄一層水份精華(b5 gel)或防敏感精華打底,再fu呢隻peel mask,咁就唔怕敏感

先打底後fu呢隻peel mask,完全係冇敏感,亦唔會乾,保濕幾好...fu果時陣陣果香味,一d都唔濃,好想伸利出黎lam d落口(我冇咁做,只係諗下),唔好厚fu,唔係有排都唔乾,fu大約10分鐘/8成乾可撕走再過水就ok.(我就冇撕走,自己皮膚始終係敏感肌,所以盡可能都唔撕,fu 10分鐘左右就直接用暖水洗走就ok...效果一樣咁好~)

過完暖水後好光滑喎,毛孔一d都唔大+好乾淨+滑一滑...好神奇呀仲要一d都唔敏感+唔乾~果然係皇牌,唔怪得成日都買唔到啦 (敏感肌建議一星期用1,2次就夠啦)

一定再回購

(但最嚴重一點就係>>如果敏感時千其唔好用,唔係拿到飛起,我點知...原因下巴位有敏感,搽d落去試,點知,拿到呢....因佢有果酸成份嘛)

吱出黎無論質地/氣味,完全同F10 Enzymatic Smooth Radiance Facial Mask係差唔多,只有顏色有少少分別,呢支就橙橙地色,又係果香味,d味我好喜歡,因為係橙味,質地都係似杰身既糖心,哈哈~好似講緊果汁糖