2010年5月22日 星期六

我最愛用既防敏感精華~



Darphin ~ Intral Redness Relief Soothing Serum

(呢支已經用左好幾支,不過圖上果支未開住,因要過一排先再用返佢,建議上網買,因平過counter)

係時候出動啦,天氣轉緊,皮膚又開始出敏感,我之前用緊既舒敏精華用晒,係時候開呢支黎用,呢支我好喜歡,可以舒緩到敏感,真係陪我過唔少過秋冬.質地好水,保濕度比一般精華高,搽得多就會有d笠,如果皮膚係乾性,就當然冇問題.建議用完一支就轉其他牌子,隔住用係最好,不過單支去counter買真係幾貴多數我差唔多用晒,bf就會去counter買定一支俾我旁身

 ======================
Rojukiss ~ Intensive Soothing Source
(近期至愛,因佢可即時降敏感,又平又易買,又抵用)
因我買左呢支幾個月,但成日都唔記得開黎用比預期好,呢支唔貴(好似係300蚊有找),買又好方便,屈記就有.
講番呢支精華先,呢支係韓國出品,呢支精華好水好稀身,係面上推有少少味,好快吸收又唔笠,比b5 gel仲稀身,呢幾日唔知乜事有敏感,用左呢支後敏感舒緩到,都唔錯呢支比Cellbone Nanosome Copper Peptide Serum更好,因呢支唔會涼涼地,我喜歡呢支冇乜味又可即時降敏感平時當水份精華用都唔錯
唔好問我邊支好邊支唔好,敏感呢樣野真係各人都唔同,我自己就覺得用屎一款防敏感精華係冇可能,用完一支就要轉另一款,如果唔係用屎一支用到冇晒功能,就晒錢!
 =======================

Cellbone ~ Nanosome Copper Peptide Serum 
(呢支涼涼地,佢都控制到敏感,只係我自己唔多喜歡涼果種feel)
呢支係老友記送今日有少少敏感開黎試左啦.
質地好水,有d似米水咁樣,d味唔識形容,可以接受,用幾滴搽上面推開後,有d涼意幾舒服,唔笠易吸收,亦唔怕刺激敏感位置,都唔錯~
========================== 

Pevonia Botanica ~ Soothing Propolis Concentrate
(呢支我都喜歡,唔係都唔會再回購啦)

話唔買又買左因唔想等下次,又唔知要等到幾時.呢兩日皮膚又敏感啦咁最好不過,手上既防敏感精華都用晒,係時候開啦
呢支絕對唔係油,唔好以為呢既色又係油,又係水水的,比rose味果支杰少少,係面上好易推開,陣陣花香味,果一刻以為自己搽左香水,好快吸收,搽完一d都唔笠,保濕ok.可以舒緩敏感紅印,eeeee~唔錯喎我搽完呢支後,再搽番同系列唔笠既cream,真係冇得頂,兩款一起用,又可保濕+舒緩敏感紅印+唔笠.我喜歡呢支多過rose果支(RS2 Concentrate)
我係草莓網買,不過佢一賣晒就冇,要等一排先有新貨.呢支都係佢入新貨時俾我睇到,想左幾日,都係買左先
以上呢4支,都係我愛用既防敏感精華,我唔會用屎一款,如果用屎一款,用耐左就冇晒功效,所以用到上下就要轉下,咁先work(用完一定回購)
-
標籤：