買左返黎都差唔多成年啦,
尋日講開,睇番原來冇分享過
body spa機好似一件皂咁,
同白色冇分別,功能一樣,只係唔同色(黑色係限定版)
一按個黑色制,係螢幕就會出5分鐘,
(一夠時間自動停)
平時通淋巴,我多數用aloe gel,乜牌子都可以,
唔一定要用nu skin果支body gel,
有d seller會講唔可配合其他產品.
如果body spa唔可以用其他gel,我一定唔會買!
所以買任何野時都要了解清楚.千其唔好一知半解.
<<要注意>>
用aloe gel,又平又抵,幾十蚊大大盒,
因每次用既份量都係好多,買太貴又唔化算.
我唔會慳住d gel用,多份量,
開左機,係身上碌第一下,係有聲發出,
咁先係開始用得.
如果搽既gel好少,開左機碌時係冇聲,轉頭就自動關機.
呢d情況唔係壞,只係唔夠gel,
疲勞過度,周圍酸軟,濕疹印都可以用.
spa機係用微電流,好安全.
不過一定要搽左gel先好碌,如果唔係有觸電feel
唔瘦身時,疲勞或舊患痛,
我就囉body spa機配aloe gel,
之後係咁碌,每次碌5分鐘,自動停,
我多數每個部位連續碌2次(即10分鐘)
我連續碌5~7日,每日都通下淋巴,
碌完好左好多,連搽藥膏都唔需要.
效果唔錯
要瘦身就配合瘦身gel,乜gel都得,
自己喜歡配乜就配乜.
body spa係比facial spa強10倍.
用法同上
可以每日用,亦可以一星期用3~4次.
如果買左返黎,一星期都用唔到1次,我勸你唔好買.
要靚唔可以懶,要有恆心先得.
清洗方法好易~
我會先抹去餘下既gel,
之後就用清水沖按摩表面(銀色果面),
沖洗完就用乾毛巾或紙布抹乾,再吹乾,就可以放回袋中收好.
我知亦會有人問,body spa機可唔可以用上面?!
我打電話去問過nu skin,佢地話先用body spa碌面,
之後再用facial spa碌面,效果先理想.但係就冇左導出果step.
咪即係搵黎搞
2部機其實唔同
facial spa有導出導入/頭髮/瘦身,配合不同產品用.
body spa只係通淋巴/瘦身/治療傷患/豐胸,配合不同產品用等.
好多地方都賣得好貴,1款機+gel 多支約要hk$5000
亦冇單機賣.更加冇限定set (1set 2部機)等等.
我係上年未加價前買,單機(黑白色都有).
之後出左限定set,一set 2機+gel / cream/導出導入,
呢d set如果出早d,我都會買,事實超抵.
幾千蚊有咁多野,hk買要2部機(set)要1萬
2部機spa機就值得買黎用,gel就....................見人見智囉 
因jp有限定版,亦有單機賣.
價錢唔貴
參考資料:
