大家千萬要小心呀！
一名自己友向我們報料，指昨日收到奇怪電話，對方扮作匯豐信用卡中心職員，聲稱接電者的信用咭有「異常使用情況」，要按0字與「客戶服務員」聯絡，為免被欺詐，該名自己友親自致電到匯豐信用咭中心查證，最終經匯豐銀行證實該電話號碼為最新的詐騙電話，職員更指近日有不少客人遇上同樣情況，詳細內容如下：
【請各位小心新詐騙電話】
「我剛剛收到一個來電 “+02138883888”，接電後會聽到一個講廣東話嘅女人錄音：『你嘅匯豐信用咭有異常使用情況，我哋會喺兩小時內暫停你嘅信用咭，請按0字與客戶服務員聯絡』，我覺得有古怪，無按任何掣，等一陣睇吓錄音會唔會重覆，結果自動收線。
之後打電話去HSBC信用咭中心22333000問，原來HSBC已證實係詐騙電話，如果按0字後，會有個講普通話嘅人問你攞信用咭嘅資料『確認身份』，實際係攞咗你張信用咭啲資料去做網上購物，HSBC職員話，近日、特別係今日非常多客戶收到呢個電話，大家一定要小心！」
