其實我已用左個幾兩個月,係時候分享下.
倒出黎係橙橙地色,好似辣椒油咁既色,
質地係油,唔厚身,有d草本+果實味道,
其實唔難聞,我幾喜歡呢個味
(放心唔係跌打酒或驅風油味)
第一次接觸呢支消炎油,
就係有次隻手突然起左d唔知敏感還是疹,紅左一撻,
訓左可能好痕,係唔知情況下R損左,
起身見到甩埋皮....好痛+好痕 
快手攞黎試下先,倒幾滿滴係掌心,直接搽上去患處,
唔會拿,好溫和,質地唔笠,好快吸收.
隔左陣就止左痕.心諗咁勁既.
過左幾個鐘後,望一望患處,嘩
損左甩晒皮果個位都修復番,埋晒口呀,
繼續搽左2日,好快就冇晒事,連印都冇埋,點解可以咁勁,
犀飛利,好堅下,堅到連自己都唔信
咁我當然繼續試,任何奇難雜症都搵呢支消炎油搽,
姑媽近年因有糖尿病,一有傷口就好難埋口,見到佢都好辛苦好煩惱.
我俾左支消炎油佢試,佢搽左幾次後,傷口好快好番,佢大讚呀.
講明我買開野時,佢指定要回購.佢宜家去邊都有支旁身.
阿妹出果d暗瘡好大粒,佢喜歡吱左先搽,
佢話咁先試到有幾消炎喎,
佢吱完後,有d血水,清洗後再搽消炎油,
佢連續搽幾日,印都走埋,個患處消失得無影無蹤.
講到咁堅,等我都試埋上面先,
我m黎前有時會出下暗瘡,
一谷暗瘡,潔面後就即搽暗瘡位置.
消炎效果快,搽左2~3次,連印都冇埋.
有黑頭可以用呢支,
冇黑頭一樣可以照用,預防定都得.
深層清潔用法好易,
潔面後,倒出幾滴消炎油係手心,
雙手推開消炎油後,直接搽上T字位,鼻頭,鼻翼,U字位位置.
輕按30秒左右,唔需大力.
之後停留一陣,再清洗後,
黑頭/粉刺等就好易推出,
如果皮膚係冇黑頭/粉刺,可用呢個方法預防定,
消炎油性質溫和,單用都冇問題,唔敏感.保濕的.
我一星期按1~2次,輕按後黑頭/粉刺都冇乜,
皮膚好乾淨.
