全城都話好用,咁我又買黎試下如何.....
一套六款,一包一次
個packing唔掂,寄到我手,打開一睇,
其中有set每款都爆d gel mask出黎
已反應左,希望佢地有改善
蜂蜜深層保濕果凍面膜~
呢款收到即時開黎試,唔杰唔稀既gel,少少honey味,唔刺激.
第1次~冇用任何野打底,洗面後,直接搽上面,厚fu40分鐘或以上,
就刮去多餘既gel,再過水,
照鏡一睇,d粉刺/黑頭浮晒出黎,都幾犀利
如果識用黑頭針就用,唔識就可用黑頭貼將粉刺/黑頭整出,毛孔擴張左後,
要fu番個保濕mask.
其實fu完呢款gel mask後唔fu保濕mask都唔得,
因我fu前冇打底,fu完皮膚乾到爆燈
蘆薈海藻鎮定控油果凍面膜 ~ 呢款真係..........
fu完冇料到,唔保濕都算,仲要係fu完冇效果,
黑頭/粉刺都唔浮出黎,唔知佢想點
(唔怪得之上年阿妹用完呢款後話冇料到)
意大利紅酒果凍面膜 ~
易敏感皮膚千其唔好用
紅酒呢款保濕好d,杰身少少,少少香味,
用法大致係一樣,
但要注意一點:
皮膚易敏感千其咪試,我就試出事,fu時唔敏感,
過水後隔左陣就黎料,敏感又紅又腫,呢d真係唔好博....
阿妹皮膚唔敏感,佢讚呢款岩佢用,其次係Q10
(呢款一星期只可以用1,2次,唔好日日fu)
Q10抗老果凍面膜
用法同上,呢款保濕好少少,一樣可以deep clean
熊果素玻尿酸淨白果凍面膜
薰衣草舒緩睡眠果凍面膜
今日用左啦,先用溫泉gel打左個底先,再fu呢款果凍mask,
少少薰衣草香味,唔刺激,都係厚fu 40分鐘或以上,之後刮走多餘既gel,
再過水,fu完粉刺/黑頭都浮出,再用鼻貼/黑頭針將粉刺/黑頭整出,
再fu番個保濕mask,皮膚先好少少
<< 總結 >>
如果皮膚好易敏感,我建議春秋冬三季都唔好試,
等夏天先好試用,應該會好d,
我用左幾款果凍mask,fu前打左底或fu後再fu個保濕mask,
我都係覺得皮膚非常乾,同埋會敏感..........
我真係唔想為左試呢款gel mask,要連續皮膚敏感....
所以暫別啦,唔再繼續試用啦,到夏天先算啦.....
我皮膚真係頂唔順啦
各人皮膚唔同,我用得唔好,唔等於各位,
所以都係自己去試吧!
-------------------------------
(呢款一樣掂,唔敏感,保濕都ok)
(呢款都唔錯,功效唔同)
