Eve Lom ~ Morning Time Cleanser

Morning Time Cleanser 125ml ~

一出時已經想買,因為話隨時用得,唔洗多步驟不過我唔等用,都係等x'mas睇有冇平先買黎試,當然等到set啦,仲要半價(真係好抵)

一擰就有個窿仔,就咁吱出就得,唔洗開蓋吱出黎都係淡黃色軟身balm質地,同盒裝balm一樣味,我聞慣左又喜歡喎係面上好易推開,呢款冇磨砂粒子,可以日日用,唔怕傷面.在面上按下推下,唔洗加水,都可以將面上d dirty野推出黎,好似平時潔面咁就ok,之後再用紗巾清走就ok啦.真係幾方便.用完唔笠唔怕乾,亦唔敏感.其實只係balm質地,冇其他特別效果,同一般洗面產品冇乜分別,所以用晒都唔會回購(好彩係半價買)

相比之下,我都係喜歡用盒裝Cleanser多d,因為用完皮膚係非常乾淨,只係多步驟我皮膚易敏感唔係常用,一星期用1~2次,皮膚都keep得好好,自從用左呢款Cleanser後,我冇再買去角質+磨砂產品.一盒搞掂晒我都試左幾款洗面balm,但仲未有一款可以代替Eve Lom ~ Cleanser

講下條沙巾先,eve lom出既唔夠Liz Earlew果款沙巾咁好用,用過就知係完全唔同質地市面上買到既bb用既沙巾係唔work

http://uk.lizearle.com/cleanse-tone-moisturise/pure-muslin-cloths.html

遲d買開野,買番一打半打旁身先,又平又抵用!

EVE LOM ~ PERFECT CLEANSING DUO

PERFECT CLEANSING DUO  Now £37.50

 

半價咁平冇可能唔買終於等到官網減,其他唔回購.

只買番洗面balm+一支早前出Morning Time Cleanser>>呢支未試,遲d先用.

我買左一set,其他唔係我既

官網買既Eve Lom Cleanser冇問題~

有blog友問我係eve lom官網買番黎既Cleanser有冇問題.

大盒係今年買(set內),細盒係上年買既(都係set)

一打開已經係咁樣,掂一掂Cleanser,係軟身.冇白色粒粒.

呢盒開左黎用,上年買既,最後一盒30ml,係見到有d粒粒咁,係冇問題....

其實會因天氣變化唔同,會影響個Cleanser既質地.兩次都係官網買,係完全冇問題.

其他地方買既,我唔清楚~

Eve Lom ~ Kiss Mix Lip Cream

我又點會唔買lip care,呢盒係買eve lom set時買埋,退左稅都係10磅,唔貴~

講番盒lip cream先,白色cream質地(似Jill Stuart Lip cream,我喜歡呢d質地),搽少少上唇推開有薄荷涼涼地,如果搽太多,唔係會勁涼>>我真係唔多喜歡太勁薄荷,就咁用保濕舒緩都幾好,但我想搞下新意思

冇美肌honey可以用其他honey代替,係一樣效果,圖上果支係新買,第1支用晒啦,其實一支細size,足足可以用一年甚至年幾,都幾抵用首先將"嗶"少少lip cream出黎,再滴1滴honey,之後就係唇上按摩,一路按有甜味+薄荷味,哈哈...好正按一陣就由佢,唔洗抹去,由佢停留係唇上,當lip mask fu,過一陣再睇番,已吸收晒,雙唇好滋潤

(如果之後要訓,記得抹走多餘既野,唔係小強同你say hi)

----------------------

La Mer lip balm ~ 質地同eve lom lip cream有d唔同,都係有少少薄荷味,我又係唔喜歡...好彩佢有少少甜味中和番,唔係我真係飛埋一邊唔用.我喜歡以上果隻多D,識人買都係200幾蚊

呢d係好個人喜好,如果有人覺得唔岩聽,咁咪行遠少少囉(唔好對號入座)

我係呢度想講番d野,我歡迎任何人入我blog交流心得,但唔明點解有d飛行物體飛入黎留言(態度仲要不禮貌),我唔接受唔到,我唔知你入黎留言既動機係乜,咁寸咀...

Eve Lom ~ Rescue mask

2010-1-28

Rescue Mask ~
我係mask狂,一早睇果時已經想買,點知睇埋成份就決定唔買貨size,因有樟腦/薄荷成份果d,我自己都唔太喜歡用,既然set入面有支15ml,咪開黎用下~
開蓋時最好先搖暈,唔係一吱就吱到液體出黎,佢係clay mask黎,即係deep cleansing mask ,白色半膏狀,一上面就聞到樟腦味...自己個腦係咁浮左>>"樟腦...樟腦...薄荷膏味"係面上一推好似有少少粒子,好易推,有少少涼涼地,全面推開後,d味又冇乜,冇敏感現象,尚可接受~要fu 15~20分鐘.吸收得好快,好易就乾,我fu 20分鐘就過水就ok.
如果用呢支mask前,先用佢盒Cleanser按完面(做晒程序後),再fu呢款mask,真係好乾淨,過水後黑頭/粉刺都冇晒,仲光滑

等我試多幾次,再睇下如何先~

(更新2010-2-1)

今日又再fu一次,呵呵~fu完後一過水,d dirty野浮晒出黎,一抹...d dirty野係黑色點痴係紗巾上....嘩,好犀利.真係好明顯喎,睇黎deep clean效果唔錯排毒非常好~

(更新2010-2-6)
約一星期用一次就夠,今日再fu一次,我發現係mask入面成份有d好似黑+棕色既粒粒(似葉碎)好細片好少,之前fu冇留意到,fu完過水時,抹出黎果d黑色點點就係成份入面既野,呢隻clay mask雖然可以排毒,但成份有樟腦,用埋佢後我就唔會再回購.有敏感時千其唔好用,唔係出事就麻煩!

如果要有以上效果既clay mask,我建議各位可以試BENEV Hydrating Mask Treatment,一樣係唔錯既clay mask,值得一試!

Eve Lom ~ Cuticle Cream

呢盒唔洗錢,剛好l'occ果支用晒,又未買番...咁就開呢盒試下,

一打開就飛左d出黎,如果包裝轉為支裝就好啦粉綠色lotion質地,幾稀身,有少少香味(幾好聞),用佢黎按摩手指/手指邊位,等佢易吸收,雖然質地好稀,但保濕就一定夠,我用果日咁有手指有倒刺,我剪都唔剪佢,直接點d係手指位,後按摩...第朝起身,倒刺冇晒,呵呵

Eve Lom ~ Cleanser

 全set係包埋白色皮套(請睇最後既圖)
Travel Set Now £25

1 x 30ml (1.00 FL.OZ) Cleanser (先試)
1 x 15ml (0.49 FL.OZ) Rescue mask
1 x 15ml (0.49 FL.OZ) Moisturiser + SPF 15
1 x 15ml (0.49 FL.OZ) TLC Cream
1 x 15ml (0.49 FL.OZ) Hand Cream + SPF 10
1 Muslin Cloth

我都係官網買,睇番張單,佢實收我每set係21.28磅咋

因寄海外有退稅(運費收15磅)

http://www.evelom.com/product/shop+gifts/travel+set.do

每set都包一條Muslin Cloth,當然貨size都會有

話說我家姐成日都叫我試,佢自己就大大盒豪用,但係未減價前呢set都唔平,所以冇理佢,當佢講既野耳邊風既然e+減左,又買得過,咁就買黎試下,如果唔好用都唔洗心痛嘛

(2010-1-27)

Cleanser 30ml~

一收到當然即試,因佢細細盒,可以好快用完,因開封後就要9個月內用晒,快快試左先
打開後聞下,好藥味(消毒藥水),質地似磨砂,好明顯睇到有d粒粒係balm入面.
咁我先開左定盤熱水(有蒸氣),我試過用溫水係唔得,發揮唔到效果.
之後就隨手囉d放入掌心摔摔,再在面上推開按摩,係有程序(有link詳細講解).

全面按晒,係有d粒子係balm度,似磨砂但唔會傷面,一路按d粒粒就會溶化,d味唔似消毒藥水味,好似整牙時,牙醫所用止血藥水果d味....呢刻好想閉氣....第一次聞到梗係咁既反應,係正常.唔理咁多,唔係臭都可以接受

仲可以落妝,由杰身磨砂粒子feel,按到全面都係一層油咁,就差唔多得啦.
之後就到紗布出場,首先將紗布放入熱水中,扭乾再輕壓係面上5秒,最好係合上雙眼深呼吸.呢刻真係好正,好舒服,d味唔難聞...(重覆三次),
後再用溫水洗淨紗布,再水冷水輕壓面上5秒,咁樣程序,係可收毛孔作用之後就可以清洗全面,其實都好簡單...洗眼位都唔怕,因佢唔會刺激眼晴,我覺得唔錯~洗面覺得面部輕左,好乾淨,一d都唔敏感....正正,好正~呢盒比Ren/Darphin更正
我要試多幾次先,聽聞話可以去角質
如果真係咁好,我用晒手上既洗面產品後,再回購貨size慢慢嘆

(用多幾次再分享,暫時黎講都值得一試)
======================
(更新2010-2-8)

都用左兩個幾星期,日日都用.冇停過,每次用既份量都唔少,e+仲有半盒到,即係話30ml勉強可以用到一個月.

我覺得用佢真係令皮膚乾淨左好多,可能佢一盒包括去角質/磨砂/洗面等,雖然好多步驟,但我覺得好就得啦(但敏感時唔建議用),但去唔去到暗粒就未知,因未出...所以試唔到

如果想試,直接買貨size啦,因set已冇優惠啦