Liz Earle ~ Daily Eye Repair

呢支有埋spf10,細細支都幾耐用,白色稀身cream質地.冇乜味,質地好水潤,用少少份量保濕都夠,市面上eye care有埋防晒既牌子又唔敏感既真係唔多,有d有維c成份,眼位易敏感既就唔可以用,呢支幾安全,唔會做成敏感,不過都幾潤下

如果眼位長期係乾,就岩用呢支.夏天我都用到,冬天一定冇問題.但眼位易出油脂粒既就要注意!

http://uk.lizearle.com/eye-treatments/daily-eye-repair.html

Liz Earle ~ Cleanse & Polish Hot Cloth Cleanser

(2010-6-5)

Cleanse & Polish Hot Cloth Cleanser 200ml~

我知大家都好心急,我都係見到佢開封後24個月內用晒,咁就唔洗趕用晒即開黎試.

已試用兩次,吱出黎係白色膏狀,份量自己決定,直接上面推開,聞到陣陣草本味,其實我聞Eucalyptus既味較明顯,唔會太濃,幾好聞推開後白色膏狀好軟身,好易推由膏狀變為cream狀,冇磨砂粒子,質地好滑唔笠唔敏感,係面上打圈按,再+muslin cloth一起用,記住唔好太大力及唔好太長時間抹,唔係會好易傷面,我用溫水,唔熱唔冷過走後,再用冷水洗多一次面部咁就ok,效果都幾好muslin cloth質地唔錯,同eve lom果款差唔多質地,呢款如果單買仲平d其實用法好似平時洗面咁就得,好方便唔洗太多步驟.用完後照鏡發覺鼻上粉刺係冇晒,如果黑頭唔係太勁都可以完全清到,呢支咁既價錢係物有所值!!(比起eve lom更方便,效果大致上係一樣,都係多用途)

如果各位買呢支洗面,我建議大家配埋佢支Instant Boost Skin Tonic,呢支我都試左,冇酒精,可放心用一d都唔敏感唔笠,d香味唔多識形容,總之係唔難聞兩款配埋一起用,效果唔錯

官網: http://uk.lizearle.com/products.php?range=1

(可寄海外,有退稅)

呢支大眾化好多,值得一試

其他遲d先分享,如果下次我再買,我要試埋佢body care,因幾吸引

(2010-6-12)
佢d味+質地真係好似搽左d牙膏上面咁初時試果兩日,用完佢係同eve lom洗面balm係有d分別,因質地唔同,有差別係正常,但我想潔淨度係強d,可以點....
就係轉一個方法用啦,先上面,之後按摩下先,由其T字位按多一陣,之後唔好即過水,當fu mask咁fu 一分鐘左右,再用溫水洗走,皮膚果時已經好乾淨啦,不過最好就再用冷水洗多一次面,對毛孔收細有幫助
呢支真係適合所有皮膚用,由其係敏感皮膚,因性質溫和,唔怕傷皮膚,四季都岩用,因一d都唔笠....價錢又大眾化

如果皮膚有好多黑頭/粉刺等等,呢支潔力都係仲差d,咁就要轉用eve lom洗面balm>>其實佢d質地唔笠,敏感皮膚唔可以日日用,一星期用2~3次都好乾淨



(2010-9)

就黎用晒,覺得唔錯,準備再回購,因我想買樽cream試下,最近見到有set,有野送.買!

http://uk.lizearle.com/index_2.php?userpage=autumn10nl_essentials

Liz Earle ~ Smoothing Line Serum

吱出黎係gel,唔杰身,冇乜味,可以搽係眼四周,亦可以搽上唇,搽係眼位有舒緩作用,好快吸收,一d都唔笠,保濕一般.但其他功效就冇乜

Liz Earle ~ Brightening Treatment Mask

呢支係買set送既貨size,未開,諗住用晒d贈品15 ml先

加埋自己果支,3x15 ml...呵呵,差唔多一支50ml

吱出黎係軟身cream狀,係面上推開,陣陣草本香,好好聞...一路fu一路聞住d香味,好舒服,質地一d都唔笠,佢介紹係30秒~2分鐘左右就用muslin cloth加溫水抹走,我自己就fu左5分鐘先抹走保濕都ok,美白效果唔太明顯,尚算ok佢又唔貴買黎試下都冇問題~ (有敏感時唔好用)

試用晒3支 15ml後,係時間開呢支贈品50ml,其實fu 2分鐘後,過水後皮膚係有少少美白效果,但如果皮膚易敏感,一星期最好用2~3次好啦,記得敏感時唔好用,唔係會拿到飛起,仲會好痕

如果呢支係買任何野送既,試用下無妨,但要單支買就唔好啦,囉d錢買DECLEOR ~ Aroma White Brightening Purifying Mask好過(我咁講唔知各位明唔明呢??)

等我用多幾次先再分享~

郵購網:

http://uk.lizearle.com/products_details.php?range=3&groupid=10&mnuid=

(已轉左包裝)

Liz Earle ~ Spot-On (必買之選)

(2010-6-7)

等出暗瘡等到變化石,唔出冇得試work唔work,終於俾我等到出暗瘡啦>>痴線
下巴位一谷谷幾粒....洗用面即用呢支係下巴d暗瘡位碌下碌下,即出即用,消炎殺菌快,嘩....搽上去茶樹油既味好重,好fresh,係油份黎,唔笠.一谷就即用,唔好整損先搽,唔係會有少少拿拿地,冇酒精成份,唔怕敏感暫時唔錯~

原來咁犀利,搽完隔幾個鐘幾位剛谷起暗瘡完全謝晒!!!

睇黎買得過

http://uk.lizearle.com/products_details.php?range=3&groupid=15

(2010-7-31)

呢兩日m黎前係咁谷左兩大粒暗瘡,成粒突左出黎,紅紅的好明顯,唔理佢又唔得,就先用水清潔左暗瘡位,再用呢支係暗瘡位碌一碌,訓前已經見到暗瘡位謝左d,第朝起身明顯已經謝左好多,起碼唔怕紅紅的一點咁,之後再用呢支一日分早午晚碌一碌,兩粒大大暗瘡係3日內謝晒,就連印都冇埋,呢支係必買產品之一

唔洗擔心,開封後36個月內用晒就ok,一支幾耐用

Liz Earle ~ Instant Boost Skin Tonic

我記憶入面係冇買呢支,因我係買set,入面本身有支30ml既洗面,唔知係唔係佢地見我有支200ml,所以set內同我轉左呢支toner,轉得好,呢支toner唔錯!

d味唔識形容,我諗都係草本味掛,唔難聞,用完支洗面膏,再用呢支toner,可以保濕幾個鐘,唔搽任何野都得,呢支toner一d都唔笠,冇酒精好舒服...值得一試!我點解建議大家買支洗面膏時配埋呢支toner,梗係有原因,試完就知效果係點

不過50ml包裝有d問題,樽口較大,易倒得太多,唔知貨size係點...不過我已轉左樽仔方便用嘛
下次我一定要入定幾支.正呀

郵購網:http://uk.lizearle.com/products_details.php?range=1&groupid=4&mnuid=

(可寄海外,有退稅)

Liz Earle ~ Sheer Pink Lip Shimmer

lip balm我點會唔買黎試呢隻有少少淺粉紅色,好淺好淺色,搽上唇有植物+果味,Rosehip味較重,亦帶點berry味,d味唔錯,幾保濕唔笠,仲有少少豐唇效果,亦唔貴,開封後12個月內用晒.都幾好唔洗急住用晒

(我好喜歡呢盒lip balm)

郵購網:

http://uk.lizearle.com/products_details.php?range=4&groupid=51

(可寄海外,有退稅)