Veld's ~ Ferox Pure Pulp Dry Skin

同aloe精華分別,質地完全唔同.

呢款質地係白色lotion,冇乜野香味.

質地唔杰身,搽上面當精華用,潤而不笠,

好岩秋冬季,乾性/敏感皮膚用.

唔敏感,保濕唔錯

每次用1~2泵份量就ok,太多會好笠,

我多數搽完呢款精華,等佢吸收完,再搽cream.

如果單用都唔差,吸收晒feel到皮膚係緊緻左

不過比valmont dna精華好用好多.

Veld's ~ Fatal Beauty 10ml

買野送既,佢可以單用,亦可以溝埋粉底/Ferox Pure Pulp 一起用,
好貼唔敏感.膚色半透明,夜用都得.
淡化乾紋唔覺有效果

試左就算,唔會回購

Veld's ~ Roibos FlashRepair

開左包sample黎試都冇事,點知....一開貨size用左唔夠3次就出問題

吱出黎淺蝦肉色,好稀質地,light呢款係透明,冇色冇味.係面上推開唔笠,用果時都冇敏感,亦冇痕,但過左一晚,第朝又冇敏感,皮膚都冇問題,但用左3日就黎料....第4日一用,搽完一照鏡...嘩塊面紅到............我就唔覺敏感,但有人問我發生乜事,係唔係敏感呀,我話唔似囉!又唔痕又唔拿又唔熱,乜事都冇,只係紅囉...可能支野開始發揮緊.但咁既樣我唔想持續落去...唯有唔用係面,怕左咁既效果佢可以用係唇上,不過都唔敢亂試,成支俾左阿妹,佢用係完全冇問題,可能佢冇皮膚敏感,不過佢話用左10日,都係得果輕微既緊緻,所以呢支野唔值咁貴

Veld's ~ FEROX PURE PULP 50ml

試左valmont~Prime B-Cellular Revitalizing Serum後,有d唔滿意,突然個腦叮一聲,想起呢支FEROX PURE PULP(好望角aloe精華),加上見到有優惠,咪再回購

質地係透明,唔杰唔稀,少少香味好天然.一d都唔會刺激皮膚.單用係面上/眼位/頸都可以.但我多數係溝埋其他精華/cream一起用,我就會吱1~2下FEROX PURE PULP,之後再吱其他精華,將佢地溝好,再直接搽上面,好快吸收,一d都唔笠唔敏感.效果比單用更好好快有好效果(份量視乎自己需要而定),我夜用,最後一部會搽番cream鎖水第朝起身皮膚又滑又唔怕乾淨淨如果唔溝精華用,可以溝cream/gel cream一起用都冇問題.想點配搭都得.隨自己喜歡(我會選擇溝gel cream),當然可以溝eye cream/gel用搽眼位都得,百搭之選

講埋用FEROX PURE PULP溝粉底液,份量係各一半溝埋黎上面,咁個妝就好貼好自然,亦唔敏感~

可能會有人覺得一支aloe精華點解咁貴,(Ferox Pre Pulp的主要成份是好望角aloe,可增加膠原蛋白的製造,緊緻皮膚/ 收細毛孔及促進傷口癒合)我覺得貴與平都要岩自己皮膚用,呢支精華係好溫和,一d都唔刺激,好岩易敏感皮膚用.我喜歡用佢黎溝埋d有少少刺激成份既精華(如美白/M2精華)一起用,佢可以平衡番.用完唔會敏感,又可以配la mer gel cream用,岩岩好,用完皮膚好滑對我黎講係好物我只當佢係一支唔敏感既保濕精華,平時買支好少少30ml既保濕精華都要幾百蚊,呢支仲唔只保濕咁簡單

只係hk counter賣得貴,唔折差唔多成千蚊,咁岩有9折先係hk$891~50ml,英法兩地買都唔係貴,法國買係約hk$700頭.英國都係貴法國幾十蚊,約hk$7xx,都係50ml,兩地都有30ml/50ml之分,hk得一個size

就用完啦呢支真係唔錯~遲d再回購

Veld's

早前見到有優惠>>就print左出黎去買,全部優惠都有晒,ba好nice,細心寫晒sample有d乜野,點用等等

Veld’s買左以下 :

FEROX PURE PULP (兩三年前用過,覺得唔錯,仍然念念不忘再回購) 

Ferox Pure Pulp Dry Skin (新出,未試過,聽聞保濕幾好)

Roibos FlashRepair (有兩隻色,ba話搽完吸收晒都係冇色,我選左light)

因有優惠,仲有3支10ml travel size送.揀左Pure Pulp, Age Killer, Fatal Beauty各一支 仲有一套5款sample送~