Shopping

買夠就送左份GIFT

買夠數就有支精華送,貨SIZE.

仲有退稅.

最近買呢個粒粒,有得送多十幾粒.

有退稅

有7折就買左

REN ~ Hydra-Calm Cleansing Milk (Sensitive/ Delicate Skin)

(開封後9個月內要用晒)

Hydra-Calm Cleansing Milk (Sensitive/ Delicate Skin) ~

之前用過佢支cleansing balm後,一直都想再試佢其他洗面產品,亦見到blog友仔話幾好用,但未有一款岩我心水.心大心細之際,近排見到草莓網有新品.折左都係hk$200左右,幾抵玩買支試下先

就咁睇真係幾似牛油吱出黎係淡黃色,質地似沙律醬,係面上推開時聞到d味好清,d果香味有d似Schweppes cream soda都幾舒服,過水後皮膚都有水噹噹feel,一d都唔怕笠痴痴.亦唔敏感

不過我都係覺得寵愛之名~山茶花保濕胺基酸潔膚乳比較好用,不過冇優惠真係唔化算

REN ~ Phyto-Dynamic Instant Lifting Gel

當佢係一支洗面gel會好d,如果當mask~乾性皮膚用完就有少乾.所以夏天用係最好不過我唔會再回購.因我都係喜歡cream質地多d

(混合性/油性皮膚最岩用)

(2010-9)

就咁用對我敏感乾性皮膚黎講,有排先用完,唔想開左放太耐時間,所以要想個辦法消滅佢,就試下用佢配mia,點知用完好乾淨,又唔怕太乾,用法就係先將gel係面上推開,之後fu一分鐘左右,再用加濕了既mia在面上清洗,之後再加水洗拍走多餘既gel,咁就ok

(乾性/敏感性皮膚夏天必選,混合/油性肌四季用都冇問題)

Ren ~ Active 7 Radiant Eye Maintenance Gel 15ml

吱出黎好水gel質地,搽上眼位有陣陣好清既無花果味,好好聞一d都唔笠,又唔敏感,保濕都幾好,搽eye gel又好,eye cream都好,我都會順便按摩埋眼部四周.等血液循環,又快吸收,對淡化黑眼圈都有幫助

用左幾日,佢可以淡化唔係太犀利既黑眼圈(不過係慢動作),如果佢可以有埋收緊就最好,不過呢支係冇!!

Product Description:含有來自人參、海藻、山金車生物活性，提升血液循環、減少浮腫，野酸模及維他命P減少黑眼圈。含有海藻提取果膠類及玉米天然玻尿酸。

呢排試左多款eye care,都冇一款岩心水,始終Sanctum energising eye gel最理想,一支有晒多功能所以唔入貨都唔得!

REN ~ Ginger, Revivo-Tonic Two Sugar Body Scrub

一見到薑味既我都會買黎試,呢款都唔例外但試過幾款有薑味既都唔岩心水,
REN呢款真係幾抵用,一盒真係可以用好耐.折左係二百幾330ml,抵用過Fresh.

薑味都算幾出,用時仲有清香檸檬味,好天然既味,我好喜歡,仲加上佢一用完就明顯美白效果,唔錯唔錯.佢本身係Sugar質地,磨砂粒子都幼細,雖然用係身上,但我唔喜歡用d粗粒既粒子,我唔係日日都用身體磨砂,一星期2~3次就ok我覺得呢款好用過皇牌rose果款好多

想再買都唔見有,官網都唔見有,唔通唔出....希望唔好唔出,等我問下草莓網先,因佢地最平如果各位見到,唔過300蚊就入貨,想美白身體就值得一試!

REN ~ Neroli & Grapefruit Body Wash

有好多款不同味,呢隻好清香,好舒服,一年四季都岩用,用完唔會乾淨淨,不過點解呢款味冇出body lotion

今次試用呢款,吱出黎係gel,又係好似啜出黎果凍飲品咁清香花果味,如果柚子味重d仲好,呢支較清都幾好聞,,,最好加埋佢既磨砂一起用,效果更佳單支用都唔錯,好易起泡~e+喜歡用呢個牌子多過l'occ

(我自己好喜歡呢支既味,清香果味,好舒服,如果出大支d就好啦)

REN ~ Moroccan Rose Otto Sugar Body Polish 330ml

呢隻係皇牌之一,我已用完一樽,因非常正,所以一定回購

本身佢既味唔係單獨rose味,佢仲有其他植物既味,出到黎係rose+rosewood味,完全同佢支no.1洗面balm一樣味我喜歡~又大盒又耐用,仲唔貴

我唔知大家會點用Body Polish,我就多數Body Polish + shower gel/cream混在一起,之後在身體上按摩,按到d磨砂溶化就沖走,咁皮膚就會好滑好滑講番呢樽,我自己已用一樽,得出結果係,每次用既份量係Moroccan Rose Otto Sugar Body Polish (5蚊銀份量),再加你平時用開既沐浴露就ok,如果好似我想滋潤d,咪可以選擇d shower cream/milk/lotion質地加埋一起用囉,如果想清爽d,就轉用shower gel就得.我自己配合過好多款沐浴露+呢隻磨砂,當然配佢既shower gel一起用係唔錯,但配強生牛奶沐浴露一起用,效果亦唔差,沖完出黎陣陣清香味,有d似爽身粉味值得一試

Sugar Body Polish粒子好幼細,係身上按時聞到陣陣植物味,好舒服+滋潤值得一試,用埋呢樽就試Ginger, Revivo-Tonic Two Sugar Body Scrub 當然配埋佢支rose shower gel就最good啦

REN ~ Moroccan Rose Otto Body Wash

呢支係皇牌,又係Moroccan Rose Otto係主要成份,佢唔係一般牌子果d rose味,同磨砂果款差唔多味,如果將呢支同橙花果支比較,呢支沖完涼仲有d清香味留係身上,質地似啜得果d果凍飲品咁感覺幾好,單用當然冇問題,但我會加埋同款既身體磨砂一起用,效果更佳