Menard ~ Fairlucent Cream + Fairlucent Concentrate White AD

Fairlucent Cream ~

白色cream質地,係面上推開後,吸收好快,有少少清香既味(成條line都係咁既味).用完唔會敏感,早上可以單用呢個cream,保濕岩岩好,都唔笠,好溫和.如果係晚上,乾性皮膚用係唔夠保濕,用前一定要搽精華.先keep到一晚.用完皮膚都幾滑,美白效果要用一排先知(遲d再分享)

Fairlucent Concentrate White AD ~

呢支係美白精華,配合cream一起用,美白效果就快d發揮到.係透明水好稀既.都係有陣陣香味,唔敏感

亦可以用完呢支精華,用黎當toner mask都得,除自己喜歡~

Menard ~ 靈芝line mini set + sample

本來好多sample,用用下都用左唔少,都未出post

MINI SET係之前x'mas買野送既

1) 按摩cream ~ 一定要提左先,因為非常好用,白色cream質地,少少清香既味,好好聞

用法一: 面乾時..用一粒cherry份量搽晒全面,之後就按面一陣(敏感肌唔好按太耐),一路按就一路將面上dirty野帶出,之後就用熱毛巾印一印,再抹走就ok.

用法二: 可以用佢黎卸妝,又係乾面時,搽晒全面,之後按一陣,用紙巾抹走,都好乾淨.

如果覺得抹走後仲係笠,可以再洗面產品洗走,隨自己喜歡!

我抹走時,見到抹到面上dirty野出黎,夏天用有少笠,所以我都係會再過一次水,爽身d.keep到好乾淨,最好一樣就係用完一d都唔敏感,唔會刺激,比其他牌子按摩cream好用!之後隔左幾個鐘後,明顯係白左,美白效果唔錯!

(等遲d有折先買貨size)



洗面膏 ~ 吱出黎係珍珠色膏狀,係面上推開,再加水係面上打圈,質地幾滑,陣陣香味,過水後皮膚好乾淨,唔敏感.仲好滑.但對乾性皮膚黎講有點乾如果係易出油皮膚就岩岩好~



toner ~ 有陣香味,水一般,由上至下用佢黎抹面可以去角質,都幾好~




eye cream ~ 都係白色cream,有清香味,質地好稀,冬天/眼位乾時用就唔錯,保濕度幾高,淡化度乾紋,唔敏感唔刺激,但夏天就用唔到,好笠

仲有其他邊d再分享

Menard ~ beauness spa mask

Menard beauness spa mask~(原來唔記得分享)

呢隻比健康水溫和,酒精味冇咁重,紙質都ok,都幾貼面,幾多精華.fu完毛孔好明顯係收細,保濕唔錯.如易皮膚敏感建議用綠水做toner mask,較佳

呢款mask用完唔會美白.但溫和保濕收毛孔就比健康水mask優勝

Menard ~ 美白set

3月31日前有set,所以就入左呢堆,Menard 美白set x3 + 美白按摩cream,

係唔係好癲再加堆sample. (不過唔係全部係我既)

Menard ~ Fairlucent Pack White AD

4-28

原來係冇轉packing,不過係有d唔同,full size比sample再水潤.效果一樣

如果皮膚唔易敏感,係fu呢款美白mask前,先用美白按摩cream按面後,再fu呢款美白mask.之後有透白效果.如果皮膚易敏感,就分開使用效好

3-26

Fairlucent Pack White AD ~
吱出黎係白色cream質地,係面上好易推開,好溫和唔敏感,少少香味.保濕都ok.可以fu埋眼位都冇問題(唔係眼蓋位置),fu約10~15分鐘,之後過水,就ok.呢款美白mask一試就愛上,原來係唔敏感,又有美白效果,仲有排毒功能.佢成份入面有白泥,所以美白之餘仲可以去dirty野,係一支唔錯既mask

值得回購

Menard ~ Herb Mask

原本想買x'mas set,妹妹想要呢個mask,之後見到護協set內有20g,對我黎講唔常用磨砂既,就真係岩岩好.妹妹話試左岩心水先再買貨size呢堆係set內20g + sample.都可以用好耐.我唔係常用.因呢年我都冇買過磨砂+去角質既野,用eve lom果盒洗面balm就夠

一上面好喜歡個cream質地,好軟身內有d粒子,唔粗唔幼.有少少清香味.

第1次用時,先將herb mask係面上推開晒.佢有粒子,小心唔好入眼!fu約2~3分鐘後,輕輕按d粒子,之後洗去就ok,用完後毛孔好乾淨

第2次用就可以轉fu 5分鐘後按後,過水就ok,用完後皮膚滑左+毛孔好乾淨.呢個herb mask唔錯

易敏感皮膚/面皮薄要注意>>因d粒子唔係太幼,所以唔好按太耐,反之就會引起敏感我一星期用1~2次係面上

有時會用d係手上,當手部按摩,去下死皮咁,用係手上可以按到d粒子完全冇晒先沖水,後再搽hand cream

Menard ~ Beauness 溫泉水精華 (綠水)

(2010-12-13)

Beauness 溫泉水精華 (綠水) 160 ml ~

之前老友贈了30ml我試,好似唔錯,但一直都未買貨size.之後知妹妹有存貨,即打劫左一支旁身(e+又入左兩set存貨).點解我要買番,原因好簡單,因敏感一出時,用綠水就搞掂,敏感位置好快減退.所以點會唔買定d存貨呢

講下點用先:

1, 日日用都冇問題,佢係一支化妝水,潔面後就可以用,可以收到毛孔;

2, 當敏感時用又得,佢可以發揮舒緩效果

3, 唔fu其他paper mask既時候,用佢黎做toner mask.fu完好舒服;

(約14粒粒mask就用一支貨size綠水,當然用化妝棉fu都冇問題)

4, 仲可以fu係眼位,去油豬(脂)粒>>不過我未試到,遲d真係work再分享;

一支toner多用途又可以舒緩敏感,貴都係值

近期護協set真係好抵呀!

(2010-12-25)

一敏感時即fu番個toner mask,敏感好易退.所以用得好快,用化妝棉做toner mask效果一般,我喜歡用粒粒乾身mask.加綠水fu上面.佢果d粒粒mask/eye mask都唔平,不過有咪試下囉.平時我用Soin d'eau粒粒mask,做toner mask

如果谷緊暗瘡,我就用綠水濕化妝棉fu係暗瘡位置一陣,第朝暗瘡好快謝,好方便!

入左堆 Menard

見護協set幾抵,因我好想買綠水,入定d存貨仲買左其他野,遲d分享

去counter show張護協卡就得啦~

多謝靚R出手幫我囉左堆sample

Menard ~ Beauness溫泉礦物風呂set

呢set係買滿一千蚊加hk$180換購,換黎試下囉

(入面有5包浴鹽+一支Beauness spa shower 60ml)

Beauness spa shower 60ml~

呢支係mist,冬天用就唔夠保濕,都係留番夏天用,應該會好d

夏天用都冇乜特別

浴鹽~

打開就已經聞到清香味,有少少似提子味幾舒服,

加入水中,成缸水變左藍綠色,我浸浴時仲加入少少香薰oil,好疲勞時浸下都唔錯