2017年9月22日 星期五

有無人係好鍾意用「爆水珠」面霜？


其實呢類型嘅「爆水神器」真係有不少忠實用家。普遍用家覺得：嘩！一搽上去

就爆水珠，好補濕呀！拿，其實我自己細個都有用過，但就因為唔鐘意個質地

（有層膠膠哋嘅嘢）而無繼續用到，而家諗起真係覺得自己好彩。


其實大家有無諗過點解面霜好地地會「爆水珠」？

殘酷嘅真相：因為面霜入面添加咗大量矽靈。呢類面霜用咗一種「矽包水」技

術，用矽靈包住水份，當你搽上面嘅時侯，就會整爆啲被矽靈包住嘅水，而矽靈

會好似一層油咁依附喺你皮膚上面，而水份就因為被矽靈阻隔以出現一粒粒呈水

珠嘅狀態。

理論上就係咁，所以有「爆水珠」效果嘅面霜係不！能！好有效咁補充水份，因

為矽靈已經封住咗你嘅皮膚喇，水份仲點入去毛孔呢～

更更重要係，矽靈係防水的！


小知識，如果你喺成份表見到有Dimethicone或Silicone，就代表嗰隻護膚品係含有

矽靈喇。其實好多好多護膚品都有少量矽靈嘅，因為佢本身防水，可以防止皮膚

嘅水份喺空氣中蒸發，所以有鎖水作用。知不過，過量嘅矽靈係好有可能堵塞皮

膚毛孔，你諗吓，搽防水防曬都要落妝啦，搽大量防水嘅矽靈過夜喎，唔塞就奇

啦，如果你本身係混合性/暗瘡性皮膚仲大鑊呀，輕則爆瘡重則敏感到hihi全面爆粒

粒（真係應該叫做爆粒粒面霜）



拿我都帶一帶頭盔先，講真而家科技咁發達，無人能夠一口咬定會爆水嘅護膚品

就係衰嘢嚟，大家買護膚品之前真係可以花少少時間睇下成份表，唔好盲目相信

廣告，始終成份先係主宰護膚品嘅價值，而自己永遠先係唯一一個要對自己皮膚

負責任嘅人，哈～呢個亦都係我呢幾年努力研究護膚品嘅推動力！


-
標籤： ,